Magkakajowa din ako sa takdang panahon

Hold your horses! may ibabalita ako!...

Lumalandi ako guys!

May bago ba dun? ahahaha!

Hindi ko alam kung ano ang nagustuhan ko sa lalakeng yon, at sinusigurado kong lalake siya, kung paano ko nasiguradong siya ay lalake nasa sa inyo nang imahinasyon yon kung paano ko ito ginawa. Pero pramis, hindi ko siya tinikman! haha! nilasahan lang! ahahaha! loljk

Hindi siya kagwapuhan na tamang tama lang para sa panlasa ko, tama na ang pagkahumaling ko sa mga gwapo, ang hirap nilang imaintain girl! nakakaloka! At higit sa lahat hindi siya committed sa kahit anong relasyon, malapit sa pamilya, at may trabahong marangal... pwedeng gawing atm card! ahahaha!

Hindi siya yung tipo ng lalake na makikipagtaasan ng ihi sa akin kung magkataon mang maging kami, yun e kung sasagutin niya ako, yun e kung mararamdaman niyang nanliligaw ako, yun e kung hindi ako isang torpedo na hanggang ngayon e wala pading ginagawa para malaman niyang nagbibigay ako ng motibo para sa kanya.

Madalas pag nagkakausap kami lagi niya akong tinatanong kung kumain na ba ako, hindi ko tuloy alam kung talaga bang concern siya sa akin o talagang mukha lang akong patay gutom kaya lagi niya akong tinatanong kung may nalamon na ba ako o hinde, ang sweet noh?

Siguro sa ngayon, kelangan ko munang makuntento na magkaibigan kami, plain friends at walang malisya, pinagnanasahan ko man siya pero sa akin na lang yon, balang araw dadating ang panahon na siya na ang maglalaway sa kagandahan kong taglay.

Malapit na ang panahon at magiging graduate na ako, isang taon na lang, at magagawa ko na ang lahat ng gusto kong gawin ayon sa usapan namin ng ama kong napakaistrikto. Tama lang ang mga araw na iyon para mas kilalanin ko pa siya. Sana hindi siya tulad ng mga lalakeng nagpaiyak sa akin. mga leche sila! ahahaha!

Bitter much?

Hindi naman masyadow!