Kumpisal

Alam mo kung ano yung masama? Hindi na tumatalab sa akin yung bulong ng kunsensya ko. Patuloy ko lang ginagawa yung kung anuman ang mali at hindi ko na inisip kung ano ba dapat ang tamang gawin. Kung tutuusin, alam na alam ko sa sarili ko kung sino nga ba talaga ang gusto ko. At kung tatanungin mo ako kung ba't ako nagpapatuloy sa ginagawa kong kagaguhan. Isa lang ang masasagot ko jan.

Naglilibang lang ako.

Kahit ako naawa sa kanya, ilang beses ko nang sinubukang pigilan ang mga pangyayari.. alam ko yun sa sarili ko na gusto ko talagang alisin yung kung anuman ang merong pagtingin niya para sa akin, pero hindi talaga e. Kaya ang ginawa ko.. hinayaan ko na lang.. hanggang sa maramdaman kong hindi na ako sinisira ng mga kuro kuro ko na patungkol sa maaring mangyari kapag itinigil ko na ang lahat.

Alam mo kung ano ang hindi ko matanggap? Nagagawa ko nang magsinungaling kay Boss.. sirang sira nayung tiwala niya na ibinigay sa akin once na malaman niya 'to.. at patuloy kong dadalhin itonh guilt na 'to hanggang hindi ko nasasabi sa kanya.

Eto nanaman ako. Gusto ko nang tapusin kung anuman ang kagaguhan na ito. Malala na e.. pakiramdam ko sa sarili ko.. ang dumi dumi ko.

Ayoko nang magsalita ng tapos. Pero gagawin ko na talaga ang lahat para makalabas sa gusot na 'to..

Isa lang ang masasabi ko. Mahal ko nga talaga si Boss..