May putok po ako.

Ganitong Ganito yun e.

May naasar sa akin, tapos naiirita kasi nga epal ako, pabida ako, ang arte ko.

Naiinis ako sa sarili ko, kasi hindi na ako nagbago. sana talaga hindi na ulit mangyari yung nakaraan. ayoko na ng ganitong pakiramdam.

Yung tipong pakiramdam mo, magkakampi ang buong mundo laban sa'yo, at ang mga tanging tao na inaasahan mong makakapitan mo, maliban sa mga magulang mo, e mga nilalang na tinuring mong kaibigan na tatalikuran ka.

Walang ano ano gusto kong magbago. pero paano? naiiyak na lang talaga ako, naaawa ako sa sarili ko, kasi hindi ko kayang solusyunan yung problema sa ko sa sarili ko na halos buong buhay kong hindi nalalaman na ganun pala ako.

Parang putok.

Yung taong meron nun kasi, hindi niya alam sa sarili niya na may kakaiba na pala siyang amoy, tsaka na lang niya malalaman ang lahat, nang mapapansin niyang nilalayuan na siya ng tao. At nang matuto siyang gumamit ng deodorant, wala nang taong gustong lumapit sa kanya, kasi ang alam ng lahat, ay may putok siya, mabaho siya, at dapat pandirihan.

Kapag pakiramdam mo pinaguusapan ka ng isang grupo ng tao. wag mong ipagwalang bahala. instinct ang tawag jan. TOTOO YAN!

At ang rule of thumb : KUNG SINO ANG WALA, SIYA ANG PAGUUSAPAN.